Fjallað er um normlega dreifingu og aðrar líkindadreifingar s.s. t-dreifingu og chi-dreifingu. Einnig er fjallað um úrtök og úrtaksdreifingu,öryggisbil, tilgátuprófanir og tölfræðilegar ályktanir, fylgni aðhvarfsgreiningu og fleira.
STÆR2TL05 eða sambærilegt
Nemandi skal hafa öðlast þekkingu og skilning á:
algengustu líkindadreifingum
fylgnihugtakinu
ályktunartölfræði
öryggisbilum
framsetningu tilgáta og prófana á þeim
öflun tölfræðilegra upplýsinga
notkun framangreindrar stærðfræði við að svara hagnýtum spurningum
Nemandi skal hafa öðlast leikni í að:
nýta einfalda líkindadreifingu við útreikning líkinda
reikna fylgni á milli tveggja breytna
túlka fylgnistuðla
nota hugtökin öryggisbil, öryggismörk og öryggisstig
setja fram tilgátur og prófa þær
framkvæma Z-próf, t-próf og chi-square-próf
nýta töflureikni við vinnslu og framsetningu tölfræðilegra gagna
Nemandi skal geta hagnýtt þá almennu þekkingu og leikni sem hann hefur aflað sér til að:
setja margs konar verkefni upp með táknmáli stærðfræðinnar og leysa þau
beita skipulögðum aðferðum við lausn verkefna og rökstyðja aðferðir sínar
skrá lausnir sínar skipulega og skiptast á skoðunum um þær við aðra
átta sig á tengslum ólíkra aðferða við framsetningu
vinna með merkingu og tengsl hugtaka í námsefninu
beita frumkvæði, innsæi og frumleika við lausn verkefna
Námsmat er útfært í kennsluáætlun í samræmi við skólanámskrá.