Sextán vikna (36 tímar á viku) starfsþjálfun á heilbrigðisstofnun í umsjón fagkennara viðkomandi skóla og leiðbeinanda sem er læknaritari á starfsþjálfunarstað. Í starfsþjálfun eiga nemar að kynnast sem flestum störfum sem læknaritar vinna á heilbrigðisstofnunum. Við upphaf starfsþjálfunar setur nemandi sér markmið með náminu sem verður leiðarljós í starfsþjálfun. Á meðan á starfsþjálfun stendur, gerir nemandi þverfagleg verkefni sem tengjast bæði bóklegum og verklegum þáttum og skilar til fagkennara. Að starfsþjálfun lokinni gefur leiðbeinandi nemanda umsögn.
Ætlast er til að nemendur hafi lokið megin þorra bóklegra greina áður en starfsþjálfun hefst.
Nemandi skal hafa öðlast þekkingu og skilning á:
mikilvægi trúnaðar, þagmælsku og góðra samskipta
mikilvægi nákvæmni í allri skráningu og varðveislu trúnaðarupplýsinga
miðlun upplýsinga, hvað er leyfilegt og hvað ekki
vinnu við öll helstu skjöl í rafrænni sjúkraskrá, frágangi og lokun á lotum ásamt frágangi á sjúkraskrám og fleiri þáttum
skjalastjórnun, skönnun og frágangi á aðsendu efni til varðveislu í rafrænni sjúkraskrá
lyfjaendurnýjun
Nemandi skal hafa öðlast leikni í að:
raða verkefnum í forgangsröð
fylgja verklagsreglum viðkomandi deildar/einingar
skrifa læknabréf
leita upplýsinga um aðgerðarkóða og greiningarnúmer
umgangast trúnaðargögn
nota tölvukerfi stofnunar
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja, framkvæma og meta eigin vinnu í samræmi við viðurkennda gæðastaðla og markmið stofnunar og fyrirtækis
koma fram af öryggi og fagmennsku gagnvart skjólstæðingum og samstarfsfólki
vinna að þverfaglegum verkefnum
afla sér fræðilegra upplýsinga eftir fjölbreyttum leiðum og meta upplýsingagildi og áreiðanleika þeirra
þekkja réttindi og skyldur læknaritara og starfa af fagmennsku