Í áfanganum er fjallað um kerfisbundna stjórn á skjölum frá því þau verða til þar til þeim er eytt eða komið fyrir í varanlegri geymslu. Kynntar eru aðferðir og markmið skjalastjórnar, sem og lög, reglugerðir og reglur um upplýsingar, skjöl og skjalasöfn. Ítarlega er fjallað um mismunandi skjalavistunarkerfi, kosti þeirra og galla. Enn fremur er fjallað um öryggismál, húsnæði og búnað skjalasafna og eyðublaðastjórn
Almennt tölvulæsi
Nemandi skal hafa öðlast þekkingu og skilning á:
sögu skjalasafna og skjalavistunar í aldanna rás
lagalegum bakgrunni skjalasafna nútímans
mikilvægi skjalastjórnunar í heilbrigðisstofnun
mismunandi tegundum skjala
ferli skjala frá myndun skjals til varanlegrar vistunar eða förgunar
þeim ytri aðstæðum sem geta ógnað umhverfi skjala
Nemandi skal hafa öðlast leikni í að:
nota vinnubrögð sem þarf til að gera skjalasafn að virkum hluta stofnunar
útbúa einfalda geymsluáætlun skjala
greina hvenær óhætt er að grisja skjöl
útbúa bréfadagbók
nota mismunandi skjalavistunarkerfi
annast eyðublaðastjórnun innan stofnunar
Nemandi skal geta hagnýtt þá almennu þekkingu og leikni sem hann hefur aflað sér til að:
velja það skjalavistunarkerfi sem hæfir viðkomandi stofnun
geta leiðbeint við val á húsnæði til varðveislu skjala
nota skjalavistunarkerfi til að flokka skjöl
útskýra öryggisatriði sem þarf að hafa í huga við varðveislu skjala
nýta sér bréfadagbók til að halda utan um öll skjöl stofnunar á hverjum tíma