Í þessum áfanga er lögð áhersla á að fjalla um frumkvöðla félagsfræðinnar og helstu kenningar greinarinnar. Fjallað er um tiltekna þætti samfélagsins í ljósi mismunandi kenninga og nokkrar alþekktar rannsóknir á sviði félagsvísindanna teknar til skoðunnar. Áhersla er lögð á að nemendur noti félagsfræðileg hugtök og félagsfræðilegt innsæi við túlkun samfélagslegra málefna. Eitt helsta markmið áfangans er að nemendur öðlist nánari og dýpri skilning á hugtökum, kenningum og rannsóknaaðferðum greinarinnar.
FÉLV1ÞF05 eða sambærilegur áfangi.
Nemandi skal hafa öðlast þekkingu og skilning á:
helstu frumkvöðlum félagsfræðinnar og lýst framlagi þeirra til greinarinnar
helstu einkennum samvirknikenninga, átakakenninga og samskiptakenninga
helstu rannsóknaaðferðum greinarinnar
aðferðafræði félagsfræðinnar
lykilhugtökum á borð við félagslega lagskiptingu, frávik, kynhlutverk og sjálfsmynd
hlutverki fjölmiðla í samfélagi nútímans
Nemandi skal hafa öðlast leikni í að:
nota félagsfræðilegar kenningar til skoðunar á samfélaginu
bera saman hinar ýmsu kenningar
lýsa helstu rannsóknaraðferðum greinarinnar
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um samfélagsleg málefni út frá ólíkum kenningum
leita heimilda um námsefni, bæði ritaðra og á veraldarvefnum
vinna heimildaverkefni og heimildaritgerðir um einstaka þætti námsefnisins í samræmi við þær kröfur sem gerðar eru til slíkrar vinnu
Námsmat er útfært í kennsluáætlun í samræmi við skólanámskrá.