Í þessum áfanga fer fram kynning á félagsfræði og öðrum greinum félagsvísindanna eins og stjórnmálafræði, sálfræði og mannfræði. Nemendur fá fyrstu kynningu á vinnubrögðum félagsvísindamanna, hvernig þeir safna upplýsingum og vinna úr þeim. Í áfanganum er lögð áhersla á helstu hugtök félagsfræðinnar: gildi, viðmið, félagslegt taumhald, hlutverk, staða, menning, sjálfsmynd o.fl. Þá er lögð áhersla á málefni fjölskyldunnar, kynhlutverk og fræðslu um helstu stofnanir samfélagsins.
FÉLV1ÞF05 eða sambærilegur áfangi.
Nemandi skal hafa öðlast þekkingu og skilning á:
helstu hugtökum fræðigreinarinnar
helstu rannsóknaraðferðum fræðigreinarinnar
helstu kenningarsmíðum félagsvísindanna
mismunandi fjölskyldugerðum
hlutverki stjórnmála í lýðræðissamfélögum
mismunandi hagkerfum, ólíkum trúarbrögðum og ólíkum samfélagsgerðum
þeim aðferðum sem notaðar eru við gerð heimildaverkefna
Nemandi skal hafa öðlast leikni í að:
beita félagsfræðilegum hugtökum í riti og orðræðu
útskýra mismunandi rannsóknaraðferðir, kostir þeirra og takmarkanir
tjá sig um mismunandi gerðir samfélaga, mismunandi sambúðarform, ólík trúarbrögð og ólík stjórnkerfi og efnahagskerfi
vinna úr heimildum samkvæmt þeim reglum sem fylgja skal
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á upplýsingar um menningar- og samfélagsmálefni líðandi stundar
tengja félagsfræðileg hugtök við daglegt líf
leita heimilda um félagsfræðileg efni
taka þátt í öguðum rökræðum um samfélagsleg málefni
Námsmat er útfært í kennsluáætlun í samræmi við skólanámskrá.