Í áfanganum er sögunni fylgt í tímaröð frá fornöld og um það bil fram til 1800. Hér er þó ekki samfelldur annáll á ferðinni heldur eru brýn málefni valin úr. Með þeirri aðferðafræði fá nemendur að kynnast helstu þáttum mannkynssögunnar á þessu langa tímabili.
FÉLV1ÞF05 eða sambærilegur áfangi.
Nemandi skal hafa öðlast þekkingu og skilning á:
helstu einkennum fræðigreinarinnar
þeim rannsóknaraðferðum sem notaðar eru í sagnfræði
helstu einkennum þeirra tímaskeiða sem fjallað er um
grundvallarreglum sem fylgja skal við gerð heimildaverkefna
Nemandi skal hafa öðlast leikni í að:
greina aðalatriði áfangans og setja þau upp á skipulegan hátt
nýta sér fjölbreytta miðla í sögunáminu
meta orsakir og afleiðingar í tímaröð
taka þátt í rökræðum um álitamál hvað efnið varðar
afla sér heimilda og vinna heimildaverkefni með öguðum hætti
Nemandi skal geta hagnýtt þá almennu þekkingu og leikni sem hann hefur aflað sér til að:
meta söguleg fyrirbæri út frá forsendum hvers tíma
tengja efni áfangans við nútímann
leita heimilda sem tengjast námsefninu
vinna heimildaverkefni um einstaka þætti námsefnisins í samræmi við þær kröfur sem gerðar eru til heimildavinnu
Námsmat er útfært í kennsluáætlun í samræmi skólanámskrá.