Ný menntastefna er höfð til grundvallar og grunnþættir menntunar eru hafðir að leiðarljósi. Unnið verður verður með ritmál, talmál og ýmsa samskiptamiðla þar sem læsi í víðu samhengi er haft að leiðarljósi. Áfanginn miðast við að nemendur geti aukið læsi sitt í umhverfinu til að auka færni til samskipta á dönsku. Notast verður við sem fjölbreyttast námsefni, s.s. bækur, dagblöð, tímarit, kvikmyndir, þætti, tónlist og fleira sem skapar umræður og eykur hvers kyns þátttöku nemenda.
Engar
Nemandi skal hafa öðlast þekkingu og skilning á:
Hugtakinu læsi í víðu samhengi og mikilvægi þess í skynjun, hlustun og upplifun
Einföldum texta með algengum orðaforða
Megininnihaldi í lengri texta sem skrifaður er á einföldu máli
Stuttum völdum textum sem fjalla um efni sem nemandi hefur áhuga á
Dönskum framburði
Mynda einfaldar spurningar út frá lærðum orðaforða og svara þeim
Nemandi skal hafa öðlast leikni í að:
Lesa og/eða hlusta á ýmis konar texta
Mynda setningar, t.d. að tjá skoðanir sínar og tilfinningar
Greina heiti og einstök orð
Skilja einfaldar leiðbeiningar og upplýsingar um næsta umhverfi
Skrifa stök orð, t.d orðalista, póstkort og SMS skilaboð
Nemandi skal geta hagnýtt þá almennu þekkingu og leikni sem hann hefur aflað sér til að:
Auka sjálfstraust sitt í dönsku
Nýta sér skilning og kunnáttu til að greina heiti og einstök orð
Tjá sig á dönsku og hlusta á aðra tjá sig á dönsku
Skilja aðalatriði í samtölum fólks
Lesa texta í þeim tilgangi að finna í honum ákveðnar upplýsingar
Nota grunnorðaforða úr þekktum efnisflokkum á eigin forsendum í nýju samhengi
Námsmatið getur verið fjölbreytt og einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.