Ný menntastefna er höfð til grundvallar og grunnþættir menntunar eru hafðir að leiðarljósi. Áhersla er á lýðræði og mannréttindi og aðstæður og umhverfi ungs fólks skoðað í fjölbreyttu samhengi. Nemendur eru hvattir til að velta fyrir sér hugtakinu lýðræði og taka afstöðu til siðferðileg álitamála, s.s. mannréttinda, samábyrgðar, meðvitundar og virkni borgaranna til þátttöku í að móta samfélag sitt og hafa áhrif á það. Gert er ráð fyrir því að nemendur læri um lýðræði í lýðræði.
Engar
Nemandi skal hafa öðlast þekkingu og skilning á:
Hugtökunum lýðræði og mannréttindi
Mikilvægi sjálfstæðis og sjálfsábyrgðar í lýðræðissamfélagi
Að allir hafa hæfileika og þroskamöguleika
Að í lýðræðisríki þurfa borgarnir að búa við mannréttindi og komast að samkomulagi
Fjölbreytileika
Eigin tilfinningum og skoðunum
Nemandi skal hafa öðlast leikni í að:
Nýta sér gagnrýna hugsun
Virða skoðanir annarra
Átta sig á fjölbreytileika samfélagsins og mismunandi menningarheimum
Taka þátt í umræðum
Nemandi skal geta hagnýtt þá almennu þekkingu og leikni sem hann hefur aflað sér til að:
Skilja þá hugsun sem felst í hugtakinu lýðræði
Skilja þá hugsun sem felst í hugtakinu mannréttindi
Að spyrja spurninga og hlusta á sjónarmið annarra af víðsýni
Átta sig á tengingu á milli réttinda og skyldna
Að láta skoðanir sínar í ljós
Taka þátt í lýðræðissamfélagi á virkan og ábyrgan hátt
Námsmatið er einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.