Í áfanganum verður fengist við matargerð með áherslu á hefðir í matarmenningu nokkurra ensku-, spænsku- og dönskumælandi landsvæða. Efnið tekur mið af hefðum í matargerð og hvers vegna ákveðnir réttir eru meira ríkjandi en aðrir.
Önninni er skipt upp í mismunandi menningarsvæði og matargerð tengd þeim sem kennarar skipta með sér. Nemendur vinna menningartengd verkefni og mæta einu sinni í viku í verklegan tíma þar sem eldaður verður matur frá viðkomandi svæði.
Nemendur safna að sér gögnum yfir önnina og skila inn ferilmöppu í lokin. Verkefni í ferilmöppu þurfa að vera samþykkt af kennurum til þess að vera gild til lokamats.
Ætlast er til að nemendur hafi lokið grunnáföngum í tungumálunum ensku, spænsku og dönsku þar sem ríkar kröfur eru gerðar um sjálfstæði í upplýsingaöflun á þessum tungumálum sem og vinnubrögðum almennt.
ÍSLE2MR05 og ENSK2OT05
Nemandi skal hafa öðlast þekkingu og skilning á:
mannlífi, menningu og siðum í löndum þar sem tungumálin eru töluð og samskiptavenjum þar
hvernig matur tengist menningu í þeim löndum þar sem tungumálið er notað og geti tengt þau eigin samfélagi og menningu
meðhöndlun matvæla, nýtni og hvernig mismunandi hráefnanotkun endurspegli þau svæði þaðan sem réttirnir koma
Nemandi skal hafa öðlast leikni í að:
lesa texta tengdum matargerð og menningu
nota upplýsingatækni og hjálpargögn í tungumálanámi
greina sérkenni í matarmenningu ýmissa þjóða
matreiða rétti frá ýmsum menningarsvæðum
Nemandi skal geta hagnýtt þá almennu þekkingu og leikni sem hann hefur aflað sér til að:
afla sér upplýsinga, greina helstu atriði þeirra og hagnýta sér í náminu
nálgast matarmenningu annarra svæða með opnum huga
útvíkka matarsmekk sinn til aukinnar lífsfyllingar
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.