Í þessum áfanga er lögð áhersla á að undirbúa nemendur undir frekara nám í íslensku á framhaldsskólastigi með því að fara í undirstöðuatriði málfræði, stafsetningar, ritunar og bókmennta. Jafnframt er markmiðið að efla ábyrgðartilfinningu nemenda gagnvart sjálfum sér, námi sínu og umhverfi. Áhersla er lögð á fjölbreyttar nálganir og sérstaklega er unnið með sköpun. Nemendur eru hvattir til að setja sér eigin markmið m.a. með því að taka þátt í að velja skiladaga á verkefnum. Í áfanganum þjálfast þeir í sjálfstæðum vinnubrögðum ásamt því að þeir fá tækifæri til að vinna með öðrum.
Málfræði og málnotkun: Nemendur vinna með undirstöðuatriði málfræðinnar til að bæta málskilning og málnotkun. Nemendur lesa einnig margvíslega texta til að auka orðaforða sinn.
Stafsetning: Nemendur vinna stafsetningarverkefni og þjálfa sig í því að nýta sér stafsetningarreglur og önnur hjálpargögn til að bæta stafsetningu sína.
Ritun: Nemendur þjálfa sig í að rita fjölbreytta texta. Nemendur þjálfa sig einnig í byggingu ritsmíða og röksemdarfærslu ásamt því að nýta sér ýmis konar hjálpargögn, svo sem handbækur, orðabækur og leiðréttingaforrit.
Bókmenntir: Bókmenntatextar eru valdir með það að markmiði að efla minni, skilning og orðaforða. Nemendum eru kynnt grunnhugtök bókmennta.
Samskipti og framsögn:Nemendur taka þátt í umræðum og þjálfast í upplestri og framsögn.
Nemandi skal hafa öðlast þekkingu og skilning á:
grunnhugtökum í ritgerðarsmíð
orðaforða umfram það sem gerist í talmáli
nokkrum tegundum bókmennta og nytjatexta og helstu hugtökum sem nýtast við umfjöllun um bókmenntir
Nemandi skal hafa öðlast leikni í að:
skrifa ýmsar tegundir texta í samfelldu máli þar sem framsetningin er skýr og skipulögð
notkun leiðréttingaforrita og annarra hjálpargagna til að lagfæra eigin texta
mismunandi blæbrigðum og málsniði í tal- og ritmáli
draga saman aðalatriði í fyrirlestrum og ritmáli, leita upplýsinga úr heimildum og nýta þær á viðurkenndan hátt sér til gagns
þekkja algengt líkingamál og orðatiltæki
lesa sér til gagns og gamans texta sem gera nokkrar kröfur til lesenda
Nemandi skal geta hagnýtt þá almennu þekkingu og leikni sem hann hefur aflað sér til að:
semja stutta texta af ýmsu tagi með mismunandi málsniði.
leggja stund á tungumálanám, til dæmis með því að nýta sér orðasöfn og algengustu málfræðihugtök
beita einföldum blæbrigðum í málnotkun til að forðast einhæfni og endurtekningar
halda uppi samræðum og rökstyðja eigin fullyrðingar, ákvarðanir eða skoðanir á málefnalegan hátt
túlka og meta atburðarrás og persónur í bókmenntum eða annars konar frásögnum.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.