Það kom upp villa senda inn  Áfangi

    Áfangi Nánari upplýsingar


    Búið til: 1403117166.11

    Verknám á sérdeildum
    VINN3GH08
    2
    Verknám
    geðhjúkrun, heilsugæsla
    Samþykkt af skóla
    3
    8
    Vinnustaðanámið/verknámið fer fram á sérdeildum s.s. gjörgæsludeildum, kvennadeild, endurhæfingardeildum, líknardeildum, geðdeildum eða heilsugælustöðvum og í heimahjúkrun. Verklegur hluti áfangans er 15 átta klukkustunda vaktir á önn. Nemendur vinna jafnframt verkefni tengt viðfangsefnum vinnustaðanámsins. Kennari áfangans, sjúkraliði/leiðbeinandi og deildarstjóri bera sameiginlega ábyrgð á verklegu námi sjúkraliðanema. Nemandi skal skipuleggja hjúkrunarstörf sín í samvinnu við leiðbeinanda og geta yfirfært bóklega þekkingu á hjúkrunarviðfangsefni sem hann vinnur við á deildinni. Nemandinn skal fá þjálfun í því að vinna sjálfstætt, sýna frumkvæði og geta forgangsraðað verkefnum sínum með þarfir skjólstæðinga að leiðarljósi. Nemandi fylgir leiðbeinanda við öll almenn störf sjúkraliða. Í upphafi tímabils setur nemandi sér persónuleg og fagleg markmið um verknámið. Á meðan á verknámi stendur skal nemandi fylla út gátlista og ferilbók um unna verkþætti.
    VINN3ÖH08 verknám í öldrunarhjúkrun eða samhliða þeim áfanga.
    Nemandi skal hafa öðlast þekkingu og skilning á:
    • mikilvægi heildrænnar hjúkrunar
    • helstu þáttum sem hafa áhrif á heilsu og lífsgæði skjólstæðinga
    • helstu hjálpartækjum sem notuð eru í hjúkrunarstörfum
    • mikilvægi eftirlits og mats á líkamlegu og andlegu ástandi skjólstæðinga
    • mælitækjum og öðrum hjúkrunargögnum sem notuð eru á ofangreindum deildum
    • sjálfsákvörðunarrétti og réttindum sjúklinga samkvæmt lögum við ákveðnar aðstæður.
    Nemandi skal hafa öðlast leikni í að:
    • sýna skjólstæðingum og aðstandendum virðingu og faglega umhyggju
    • nota helstu hjálpartæki og hjúkrunargögn á ofangreindum deildum á viðeigandi hátt
    • taka þátt í þverfaglegri samvinnu heilbrigðisstétta
    • sýna frumkvæði í verknámi þegar það á við
    • skrá og vinna samkvæmt hjúkrunarferli
    Nemandi skal geta hagnýtt þá almennu þekkingu og leikni sem hann hefur aflað sér til að:
    • velja viðeigandi hjúkrunarmeðferð hverju sinni og geta rökstutt hana
    • virða trúnað við skjólstæðinga og aðstandendur
    • sýna hæfni í samskiptum og samstarfi við skjólstæðinga, aðstandendur þeirra og samstarfsfólk
    • leggja sitt af mörkum í þverfaglegri samvinnu
    • hjúkra sjúklingum við margbreytilegar aðstæður
    Leiðsagnarmat þar sem vinna nemanda í áfanganum er metin með reglubundnum hætti ásamt því að skrá í ferilbók og gátlista. Til grundvallar matinu er einkum horft til sjálfstæðis í vinnubrögðum, hæfni í hjúkrunarstörfum og samskiptum við skjólstæðinga/sjúkdlinga, aðstandendur og samstarfsfólk. Nemendur gera verkefni sem kennari leggur fyrir og tengist viðfangsefnum deildar og vinnustaðanámsins. Að öðru leyti er námsmatið samkvæmt skólanámskrá hvers skóla.