Í áfanganum er fjallað um stjórnunarferlið með tilliti til heilbrigðisþjónustu. Fjallað er um hugtökin gæðastjórnun, verkefnastjórnun, tímastjórnun, mannauðsstjórnun, og forgangsröðun. Áhersla er lögð á mikilvægi samskipta, teymisvinnu og uppbyggingu liðsheildar, auk starfsmannastefnu og fyrirtækjamenningar. Tengsl gæða og öryggis á vinnustöðum eru útskýrð og fjallað um öryggisbrag og atvikaskráningu á vinnustöðum.
Nemandi skal hafa öðlast þekkingu og skilning á:
helstu þáttum stjórnunarferlisins með hliðsjón af heilbrigðisþjónustunni
hugtökunum gæðastjórnun, verkefnastjórnun, tímastjórnun, mannauðsstjórnun og forgangsröðun
mikilvægi samskipta, teymisvinnu, liðsheildar, starfsmannastefnu og fyrirtækjamenningar á heilbrigðisstofnunum
mikilvægi gæða og öryggis í heilbrigðisþjónustu
helstu þáttum verkefnastjórnunar í heilbrigðisþjónustu
grunnþáttum öryggisbrags á heilbrigðisstofnunum
helstu atriðum í atvikaskráningu á heilbrigðisstofnunum
hugtakinu gæðavísar í heilbrigðisþjónustu
Nemandi skal hafa öðlast leikni í að:
nýta hugmyndir og aðferðafræði gæðastjórnunar, verkefnastjórnunar og mannauðsstjórnunar í starfi
miðla upplýsingum um mikilvægi gæða og öryggis í heilbrigðisþjónustu
útskýra hugtökin gæðastjórnun og gæðavísar í heilbrigðisþjónustu
lýsa góðum öryggisbrag á heilbrigðisstofnunum
nota atvikaskráningu á heilbrigðisstofnunum
Nemandi skal geta hagnýtt þá almennu þekkingu og leikni sem hann hefur aflað sér til að:
vera virkur í þverfaglegu samstarfi innan heilbrigðisþjónustu
beita aðferðum mannauðs-, verkefna-, og gæðastjórnunar í starfi á fjölbreyttan hátt við síbreytilegar aðstæður
leggja sitt af mörkum til þess að skapa liðsheild og fyrirtækjamenningu á vinnustað
stjórna í samstarfi við aðra fjölbreyttum verkefnum á vinnustað
efla gæði og öryggi í heilbrigðisþjónustu í samstarfi við aðra