Í áfanganum er fjallað um umhverfismál svo sem sjálfbærni, mengun, orkugjafa, endurvinnslu, umhverfismerkingar, náttúrusiðfræði og vistvæna lifnaðarhætti. Farið er í vettvangsferðir til að kynna og upplifa náttúruna.
Nemandi skal hafa öðlast þekkingu og skilning á:
helstu umhverfismálum sem eru í brennidepli á hverjum tíma
helstu yfirlýsingum og sáttmálum, lögum og reglum er varða umhverfismál á Íslandi
vistvænum lifnaðarháttum og ábyrgð einstaklingsins gagnvart umhverfinu
þeim ógnum sem steðja að umhverfinu
helstu hugmyndum og kenningum um verðmæti og gildi í náttúrunni
Nemandi skal hafa öðlast leikni í að:
greina hagsmuni varðandi ágreining í umhverfismálum
geta nálgast upplýsingar um lög og reglugerðir í umhverfismálum og geta greint markmið þeirra
greina náttúruverðmæti
Nemandi skal geta hagnýtt þá almennu þekkingu og leikni sem hann hefur aflað sér til að:
mynda sér skoðanir í umhverfismálum og geta rökstutt þær
geta útskýrt hugtakið sjálfbærni og upplýst aðra um gildi þess
geta útskýrt áhrif mannlegrar breytni á umhverfið
a
Símatsáfangi sem byggir á prófum, verkefnum og ástundun.