Fjallað er um mismunandi dauðhreinsunaraðferðir og tækni. Fjallað er um almenn skilyrði, reglur, skilgreiningar og próf er varða eftirlit með dauðhreinsun. Farið er yfir undirbúning áhalda og tækja fyrir dauðhreinsun og hleðslu í og losun úr dauðhreinsunartækjum. Áhersla er lögð á þekkingu, skilning og túlkun á öryggismælum tækjanna og viðbrögð við breytingum á þeim. Farið er yfir kröfur, leiðbeiningar og alþjóðlega staðla er varða dauðhreinsun. Fjallað er um gæði, öryggi og rekjanleika prófa og stöðu á dauðhreinsuðum vörum, ásamt förgun efna.
Almennar greinar og heilbrigðisgreinar ásamt SÓTS2HR05
Nemandi skal hafa öðlast þekkingu og skilning á:
almennum skilyrðum, reglum og skilgreiningum á eftirlitsprófum
alþjóðlegum stöðlum, leiðbeiningum og kröfum um dauðhreinsun
dauðhreinsunaraðferðum og mismunandi dauðhreinsunartækjum, (þurrum hita, gufu, gasi, lághita og geislun)
mikilvægi þess að hlaða og tæma dauðhreinsunartæki rétt
geymslu, dreifingu og flutningi á dauðhreinsuðum varningi
gæðastjórnunaraðferðum, mati og eftirfylgni
förgunarstjórnun – hættulegra efna
Nemandi skal hafa öðlast leikni í að:
umgengni og vinnu við dauðhreinsunartæki frá upphafi til enda
velja dauðhreinsunaraðferð m.t.t. lækningatækja og umbúða sem á að dauðhreinsa
þekkja, nota og túlka öryggiskvarða og skráningu dauðhreinsunartækja
meðhöndla úrgang og efni til förgunar á viðeigandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
velja og framkvæma mismunandi dauðhreinsunaraðferðir fyrir mismunandi tegundir læknisfræðilegra tækja og breytilegra speglunartækja, eftir stöðlum og verklagsreglum
vinna af fagmennsku og beita viðeigandi eftirliti með dauðhreinsun samkvæmt gæðastöðlum
a
b
c
Heimaverkefni, verkferlar unnir og skilað í formi ferilbókar, stutt próf, tímaverkefni, hópverkefni metið með jafningjamati ásamt sjálfsmati