Fjallað er um lækningaáhöld sem tilheyra bæklun, brjóstholi, æðaskurðlækningum, heila- og taugaskurðlækningum, háls- nef- og eyrnalækningum og augnlækningum, hvernig á að taka á móti menguðum áhöldum, hreinsa þau, sótthreinsa og dauðhreinsa. Áhersla er lögð á að nemendur þekki helstu lækningaáhöld sem koma að fyrrgreindum sérgreinum, sérstök áhersla er lögð á smásjáráhöld. Fjallað er um val á mismunandi dauðhreinsunaraðferðum eftir tegund og efni áhalda sem tilheyra ofangreindum sérgreinum. Fjallað er um hvernig þekking og meðferð áhalda tengist alþjóðlegum stöðlum í faginu. Einnig er fjallað um hvernig eftirfylgni og rekjanleiki meðferðar á dauðhreinsunardeildum er framkvæmt í þeim tilgangi að tryggja öryggi sjúklinga og starfsmanna. Sýnt er fram á hvernig sýkingavarnir og forvarnir tengjast meðferð skurðlækninga áhalda.
Almennar greinar og heilbrigðisgreinar
Nemandi skal hafa öðlast þekkingu og skilning á:
mismunandi verkfærum og áhöldum eftirtalinna sérgreina; bæklunar, brjósthols, æðaskurðlækninga, heila- og taugaskurðlækninga, háls- nef- og eyrnalækninga og augnlækninga
meðhöndlun smásjáráhalda
alþjóðlegum stöðlum, leiðbeiningum og kröfum um meðferð á lækningaáhöldum
sótthreinsun og dauðhreinsun sérhæfðra lækningaáhalda með mismunandi aðferðum
aðferðum gæðastjórnunar
vöru og framleiðslustjórnun
Nemandi skal hafa öðlast leikni í að:
meðhöndla og hirða um smásjáráhöld
taka í sundur, hreinsa, smyrja og setja saman áhöld
fylgja eftir gæðastöðlum og verklagsreglum
meðhöndla dauðhreinsuð lækningaáhöld við flutning og geymslu
Nemandi skal geta hagnýtt þá almennu þekkingu og leikni sem hann hefur aflað sér til að:
taka á móti menguðum sérhæfðum lækningaáhöldum og mismunandi smásjáráhöldum
taka í sundur og setja saman áhöld, hreinsa, smyrja eftir því sem við á
velja rétta sótthreinsunar og/eða dauðhreinsunaraðferð eftir tegund lækningaáhalda
pakka, merkja og skrá sérhæfð lækningaáhöld með tilliti til rekjanleika
vinna af fagmennsku samkvæmt verklagsreglum og gæðastöðlum