Fjallað er um lækningaáhöld sem tilheyra almennum skurðlækningum, barnaskurðlækningum, þvagfæraskurðlækningum, lýtaskurðlækningum og lyflækningum meltingafæra, hvernig á að taka á móti menguðum áhöldum, hreinsa þau, sótthreinsa og dauðhreinsa. Einnig er fjallað um mismunandi speglunaráhöld fyrir allar sérgreinar. Áhersla er lögð á að nemendur þekki helstu lækningaáhöld sem koma að fyrrgreindum sérgreinum. Farið er yfir val á mismunandi dauðhreinsunaraðferðum eftir tegund og efni áhalda. Fjallað er um hvernig þekking og meðferð áhalda tengist alþjóðlegum stöðlum í faginu. Fjallað er um mikilvægi þess að geta rakið framleiðsluferla á dauðhreinsunardeildum í þeim tilgangi að tryggja öryggi sjúklinga og starfsmanna. Sýnt er fram á hvernig sýkingavarnir og forvarnir tengjast meðferð skurðlækningaáhalda.
Almennar greinar og heilbrigðisgreinar
Nemandi skal hafa öðlast þekkingu og skilning á:
mismunandi verkfærum og áhöldum eftirtalinna sérgreina: barnaskurðlækninga, þvagfæraskurðlækninga, lýtaskurðlækninga, lyflækninga, meltingafæra auk almennra verkfæra og áhalda
fjölbreytilegum speglunaráhöldum sem notuð eru í skurð- og lyflækningum
alþjóðlegum stöðlum, leiðbeiningum og kröfum um meðferð á lækningaáhöldum
sótthreinsun og dauðhreinsun sérhæfðra lækningaáhalda með mismunandi aðferðum
aðferðum gæðastjórnunar
vöru og framleiðslustjórnun
gildi starfstengdrar heilsu og öryggi starfsmanna
Nemandi skal hafa öðlast leikni í að:
taka á móti menguðum sérhæfðum lækningaáhöldum og mismunandi speglunartækjum
taka í sundur og setja saman áhöld, hreinsa, smyrja eftir því sem við á
pakka, merkja og skrá sérhæfð lækningaáhöld með tilliti til rekjanleika
meðhöndla dauðhreinsuð lækningaáhöld við flutning og geymslu
Nemandi skal geta hagnýtt þá almennu þekkingu og leikni sem hann hefur aflað sér til að:
velja rétta sótthreinsunaraðferð og/eða dauðhreinsunaraðferð eftir tegund lækningaáhalda
vinna af fagmennsku samkvæmt verklagsreglum og gæðastöðlum