Fjallað er um skipulag heilbrigðisþjónustunnar, yfirstjórn, skilgreindir þjónustuþættir og þjónustustig samkvæmt lögum um heilbrigðisþjónustu og mismunandi rekstrarform. Gerð er grein fyrir löggiltum heilbrigðisstéttum og hlutverkum þeirra. Fjallað er um lög um heilbrigðisþjónustu, vinnuverndarlöggjöf, þagnarskyldu og lög um réttindi sjúklinga. Gerð er grein fyrir eftirliti með heilbrigðisþjónustunni og hvernig stefnumörkun er háttað.
Engar
Nemandi skal hafa öðlast þekkingu og skilning á:
skipulagi heilbrigðiskerfisins, lögum og reglugerðum sem því fylgja
mismunandi þjónustustigum í heilbrigðiskerfinu
löggildum heilbrigðisstéttum og hlutverki þeirra
mismunandi rekstarformi í heilbrigðiskerfinu
innra skipulagi helstu heilbrigðisstofnana
réttindum skjólstæðinga
hættum í vinnuumhverfi sem hafa óæskileg áhrif á heilsu og hvernig má varast þær
helstu áherslum í heilbrigðisáætlun
ferli eftirlits Landlæknisembættisins með heilbrigðisþjónustu
Nemandi skal hafa öðlast leikni í að:
upplýsa skjólstæðing um rétt sinn og leiðbeina honum á rétt þjónustustig innan heilbrigðiskerfisins
útskýra mismunandi rekstrarform innan heilbrigðiskerfisins
varast skaðlegt vinnuumhverfi
lýsa eftirlitsferli innan heilbrigðisþjónustunnar
greina forgangsatriði í stefnumörkun heilbrigðisþjónustu
Nemandi skal geta hagnýtt þá almennu þekkingu og leikni sem hann hefur aflað sér til að:
greina mismunandi þjónustustig í heilbrigðiskerfinu
greina vinnuumhverfi með tilliti til öryggisþátta
miðla þekkingu sinni um helstu áherslur í heilbrigðisáætlunum og eftirlitsferli