Fjallað er um hugtökin sótthreinsun og dauðhreinsun með áherslu á það síðarnefnda. Sérstök áhersla er lögð á smithættu,sýkingavarnir, smitgát og eftirlit við dauðhreinsun. Fjallað er um innpökkunartækni og endurnýjun áhalda. Áhersla er lögð á förgunarstjórnun, gæði, öryggi og rekjanleika prófa sem notuð eru á tannlæknastofum. Einnig er fjallað um mikilvægi þess að huga að starfstengdu öryggi og heilsu. Verkleg þjálfun á sótthreinsistofu, allt frá hreinlæti til dauðhreinsunar.
Allt bóklegt nám tanntækna ásamt SÓTT2SÓ04
Nemandi skal hafa öðlast þekkingu og skilning á:
alþjóðlegum stöðlum, leiðbeiningum og kröfum um dauðhreinsun
virkni dauðhreinsiefna á líffræðilegan vef
gæðastjórnunaraðferðum og mati
vöru- og framleiðslustjórnun
förgunarstjórnun
Nemandi skal hafa öðlast leikni í að:
sjá að endurnýjunar er þörf á tækjum og verkfærum
velja rétta leið til dauðhreinsunar og undirbúa verkfæri og tæki til þess
pakka inn og meðhöndla dauðhreinsiumbúðir á réttan hátt
undirbúa aðgerðarstofu fyrir þjónustuþega með aukna smitgát
Nemandi skal geta hagnýtt þá almennu þekkingu og leikni sem hann hefur aflað sér til að:
velja og framkvæma mismunandi dauðhreinsiaðferðir fyrir mismunandi tæki og verkfæri sem notuð eru á tannlæknastofum
geta unnið af fagmennsku og beitt viðeigandi eftirliti með dauðhreinsun
meðhöndla efni til förgunar á viðeigandi hátt
geta leiðbeint við endurnýjun verkfæra vegna krafna um dauðhreinsun
geta leiðbeint samstarfsfólki af fagmennsku um dauðhreinsun á tannlæknastofum
geta tekið á móti þjónustuþega sem þarfnast aukinnar smitgátar