Fjallað er um mismunandi aðferðir sem hægt er að nota við sótthreinsun og þann mun sem er á hreinu og sótthreinsuðu. Vinnureglur um sótthreinsun skilgreindar og unnið eftir þeim með áherslu á að stöðva smitleiðir. Fjallað er um mun á kemískri-, varma-, og hitasótthreinsun. Áhersla er lögð á almenn skilyrði, reglur, skilgreiningar og próf er varða eftirlit með sótthreinsun. Gerð er grein fyrir kröfum, leiðbeiningum og alþjóðlegum stöðlum er varða sótthreinsun. Sérstök áhersla er lögð á smitgát og forvarnir gegn sýkingum með áherslu á aðstæður á tannlæknastofum. Farið er yfir leiðir sem auka sýkingarvarnir og unnið af fagmennsku eftir þeim. Verkleg þjálfun á sótthreinsistofu
Allt bóklegt nám tanntækna
Nemandi skal hafa öðlast þekkingu og skilning á:
almennum skilyrðum, reglum og skilgreiningum á eftirlitsprófum
alþjóðlegum stöðlum, leiðbeiningum og kröfum um sótthreinsun
muninum á milli hreinna og sótthreinsaðra tækja og verkfæra
virkni sótthreinsiefna á líffræðilegan vef
gildi starfstengdrar heilsu og öryggis
Nemandi skal hafa öðlast leikni í að:
vinna af fagmennsku við sótthreinsun
sótthreinsa breytileg tæki og verkfæri samkvæmt leiðbeiningum og stöðluðum kerfum
meðhöndla efni til förgunar á viðeigandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
undirbúa aðgerðarstofu fyrir þjónustuþega með smitgát í huga
velja og framkvæma mismunandi sótthreinsi aðferðir fyrir mismunandi tegundir tannlækningatækja og verkfæra
geta unnið af fagmennsku og beitt mismunandi eftirliti með sótthreinsun
bera ábyrgð á forvörnum gegn sýkingum á tannlæknastofum með viðeigandi smitgát
geta leiðbeint samstarfsfólki og öðrum í sambandi við sótthreinsun