Í áfanganum er fjallað almennt um röntgenfræði og lögð áhersla á öryggisatriði. Kenndar eru mismunandi aðferðir við röntgenmyndatökur tanna. Kennt er á mismunandi tæki til röntgenmyndatöku bæði digitalmyndatöku og myndatöku á filmur. Farið er yfir ferlið við framköllun röntgenmynda, frágang og meðhöndlun spilliefna. Fjallað er um rétta tækni við röntgenmyndatöku með tilliti til lýsingar og gæða. Nemendur fá þjálfun í því að taka röntgenmyndir með mismunandi tækni á gervihöfði. Kennt er hvernig raða á röntgenmyndum og geyma.
Allt bóklegt nám tanntækna
Nemandi skal hafa öðlast þekkingu og skilning á:
röntgengeislum, notagildi og áhrifum þeirra á líkamann
virkni mismunandi röntgenmyndatækja
aðferðum við uppröðun röntgenmynda og geymslu
aðferðum við frágang og förgun spilliefna
reglugerð Geislavarna ríkisins hvað varðar röntgengeislavarnir á tannlæknastofum
Nemandi skal hafa öðlast leikni í að:
taka röntgenmyndir af gervihöfði
raða og skrá röntgenmyndir
förgun efna sem notuð eru við röntgenmyndatökur og framkallanir
Nemandi skal geta hagnýtt þá almennu þekkingu og leikni sem hann hefur aflað sér til að:
vinna samkvæmt reglugerð Geislavarna ríkisins
taka röntgenmyndir af gervihöfði bæði digital og á filmur