Í áfanganum er lögð áhersla á þjálfun hvers nemanda við fjögurra handa vinnu. Unnið er við gervihöfuð og áhersla lögð á faglegt vinnuferli. Lögð er áhersla á vinnu við tannhreinsanir, flúorlakkanir ásamt hverskonar meðferð í munni. Nemendur fá þjálfun í raunhæfu umhverfi með nemum í tannlækningum sem og á tannlæknastofum sem eru heimsóttar.
Allt bóklegt nám tanntækna ásamt fyrri áfanga í fjögurra handa tannlækningum FHTA2GÞ04
Nemandi skal hafa öðlast þekkingu og skilning á:
ferli mismunandi aðgerða
góðum undirbúningi og réttrir efnismeðhöndlun
hvað felst í góðu vinnuferli
Nemandi skal hafa öðlast leikni í að:
hafa yfirsýn yfir vinnuferli og láta það ganga fljótt og vel
undirbúa aðgerðarstofu fyrir mismunandi aðgerðir
Nemandi skal geta hagnýtt þá almennu þekkingu og leikni sem hann hefur aflað sér til að:
vinna fjögurra handa tannlækningar hnökralaust við mismunandi aðgerðir
auka öryggi þjónustuþega og stytta meðhöndlunartíma
nýta sér þekkingu og leikni í raunhæfu umhverfi og geta tengt fræðilega þekkingu um áhalda og efnisfræði við fjögurra handa vinnu