Í áfanganum er fjallað um þjónustuúrræði í heimahúsum, þjónustukeðju, sem styður við búsetu heima svo sem hvíldarinnlögn og dagdvöl og skipulagningu heimahjúkrunar. Jafnframt verður fjallað um forvarnir, heilsueflingu, slysavarnir og öryggi í heimahúsum. Einnig er fjallað um að hverju þarf að huga þegar unnið er á heimilum skjólstæðinga, vinnuaðstæður á heimilum, aðstæður skjólstæðinga og hvenær þarf að kalla til sérhæfða aðstoð. Nám í áfanganum verður að hluta til á vettvangi heimahjúkrunar og í félagsmiðstöðvum aldraðra.
Starfsleyfi sjúkraliða, ÖLHJ4HS10
Nemandi skal hafa öðlast þekkingu og skilning á:
þjónustuúrræðum sem eru í boði fyrir fólk í heimahúsum
heilsueflingu og forvörnum aldraðra
slysavörnum og öryggi í heimahúsum
margbreytilegum aðstæðum einstaklinga á heimilum
mikilvægi vinnuaðstæðna á heimilum
Nemandi skal hafa öðlast leikni í að:
kynna þau þjónustuúrræði sem eru í boði fyrir fólk í heimahúsum
fræða aldraða um heilsueflingu og forvarnir
greina margvíslegar aðstæður á heimilum
Nemandi skal geta hagnýtt þá almennu þekkingu og leikni sem hann hefur aflað sér til að:
geta vísað á þjónustuúrræði sem eru í boði fyrir fólk í heimahúsum
geta leiðbeint og frætt um heilsueflingu og forvarnir aldraðra
gefa ráðleggingar um slysavarnir og öryggi í heimahúsum