Í áfanganum er fjallað um þau atriði sem gera fjögurra handa tannlækningar sem bestar og skilvirkastar. Fjallað er um líkamsbeitingu, verkfæraskiptingu og vinnuferli, bæði bóklega og verklega. Í framhaldi af því eru gerðar fjögurra handa æfingar við gervihaus. Lögð er áhersla á vinnu við tannlituð fyllingarefni og silfuramalgam.
Allt bóklegt nám tanntækna
Nemandi skal hafa öðlast þekkingu og skilning á:
góðri líkamsbeitingu við fjögurra handa vinnu
verkfæraskiptingum á nákvæman hátt
meðhöndlun efnis á réttan hátt
hvað felst í góðu vinnuferli
Nemandi skal hafa öðlast leikni í að:
sitja og vinna í líkamlega góðri vinnustellingu
meðhöndla og afhenda verkfæri og efni á réttan hátt við fjögurra handa vinnu
Nemandi skal geta hagnýtt þá almennu þekkingu og leikni sem hann hefur aflað sér til að:
vinna fjórhent við aðstoð á tannlæknastofum
auka öryggi þjónustuþega við meðhöndlanir
minnka tíma sem notaður er við hverja meðhöndlun
nýta sér þekkingu og leikni í raunhæfu umhverfi
Skriflegt próf, símat, verkleg og munnleg próf með prófdómara í lok náms