Algengustu verkfæri og tæki, rótfylling og gervitannagerð, tannfylling, Áhalda- og efnisfræði
Samþykkt af skóla
2
3
FÁ
Í áfanganum er farið yfir heiti á algengustu verkfærum og tækjum sem notuð eru á almennum tannlæknastofum. Fjallað er um hvernig hand- og vinkilstykki virka og hvernig viðhaldi er best háttað á þessum tækjum. Verkfærin eru skoðuð eftir viðfangsefnum ásamt þeim efnum sem eru notuð í hvert skipti til dæmis við almenna tannfyllingu, rótfyllingar og gervitannagerð.
Allt bóklegt nám tanntækna
Nemandi skal hafa öðlast þekkingu og skilning á:
tækjum sem notuð eru á almennum tannlæknastofum ásamt verkfærum sem notuð eru í almennri tannfyllingu, rótfyllingum og við gervitannagerð
efnum sem notuð eru í almennri tannfyllingu, rótfyllingum og við gervitannagerð
virkni og mismun á hand- og vinkilstykkjum ásamt viðhaldi á þeim
mismunandi tegundum bora og virkni þeirra
Nemandi skal hafa öðlast leikni í að:
meðhöndla tæki, efni og verkfæri sem notuð eru við almennar tannlækningar, rótfyllingar og við gervitannagerð á réttan hátt
taka til rétt hand- og vinkilstykki í samræmi við meðhöndlun sem fyrir liggur og velja rétta tegund af borum í þau
taka til rétt efni og verkfæri í samræmi við meðhöndlun sem liggur fyrir
Nemandi skal geta hagnýtt þá almennu þekkingu og leikni sem hann hefur aflað sér til að:
taka til efni og verkfæri í samræmi við þarfir við almennar tannlækningar, rótfyllingar og gervitannagerð
meðhöndla tæki, verkfæri og efni sem notuð eru við þessar aðgerðir af öryggi
ganga frá efnum og tækjum á viðeigandi hátt ásamt því að annast almennt viðhald á tækjunum
meðhöndla efni og tæki til þess að sem minnst fari til spillis