Fjallað er um heiti tanna og flata, íðorð og skammstafanir. Farið er í notkun dagbóka og tímastjórnun bæði í skriflegu formi og rafrænu. Í áfanganum er fjallað um fagleg samskipti á vinnustað og símsvörun þjálfuð. Fjallað er um sjúkraskrár, tannkort, skráningu á almennum upplýsingum, heilsufarslegum upplýsingum, tannstatus og skráningu á meðferð sem og meðhöndlun upplýsinga. Fjallað er um gerð kostnaðaráætlana, meðferðaáætlana, skráningu á pokamælingum og skráningu vegna endurgreiðslna. Gerð er grein fyrir notkun gjaldskrár, upplýsingaskyldu og sérhæfð tölvuforrit eru kynnt.
HBFR1HH05, áfanginn er tekinn samhliða TAMS3TT05
Nemandi skal hafa öðlast þekkingu og skilning á:
mikilvægi skráningar á munn- og tannheilsu
mismunandi skráningarkerfum sem notuð eru á tannlæknastofum
meðferð og geymslu sjúkraskráa
tímaskipulagi
símsvörun
gerð ýmissa áætlana svo sem kostnaðaráætlana og meðferðaráætlana
mismunandi tölvuskráningarforritum sem notuð eru á tannlæknastofum
Nemandi skal hafa öðlast leikni í að:
færa inn upplýsingar í sjúkraskrár
skipuleggja tímaáætlun tannlæknastofunnar
nota gjaldskrá og gefa út reikninga vegna endurgreiðslu
nota mismunandi skráningarkerfi
Nemandi skal geta hagnýtt þá almennu þekkingu og leikni sem hann hefur aflað sér til að:
sjá um móttöku, símsvörun og tímapantanir á tannlæknastofum
skipuleggja sjúkraskrár og sjá um skráningu í þær
sjá um rafræna skráningu á tannlæknastofum af fagmennsku
geta sjálfur lagt gagnrýnið mat á skráningar á tannlæknastofum
geta nýtt sér þekkingu á sjúkraskrám í raunhæfu umhverfi