Í áfanganum er farið yfir slímhimnusjúkdóma, föst tanngervi, laus tanngervi og umhirðu tanngerva. Einnig er fjallað um tannrótarbólgu og meðhöndlun á henni, sértækar tannvegsaðgerðir, munn- og kjálkaskurði og tannúrdrátt. Fjallað er um kosti implanta og aðferðir við að setja þau í ásamt laseraðgerðum, rafskautsskurðlækningum og aðstoð við þessháttar aðgerðir. Teknar eru fyrir ástæður tannáverka, fyrsta hjálp við tannáverkum, ástæður fyrir tannréttingum, gögn sem tekin eru í tannréttingum, mismunandi tannskekkjur, Angels klassi útskýrður og fjallað um mismunandi bitvandamál.
TAMS3TT05 og SKRÁ2TT05
Nemandi skal hafa öðlast þekkingu og skilning á:
almennum slímhimnusjúkdómum
orsök, afleiðingu og meðhöndlun á tannrótarbólgu
sértækum sjúkdómum í tannvegi ásamt aðgerðum til að hindra framgang þeirra
mismunandi gerðum af tanngervum, föstum og lausum
umhirðu mismunandi tanngerva
ýmsum sjúkdómum er krefjast skurðaðgerða í munni
algengum tannáverkum og meðferð við þeim
orsökum og afleiðingum tannskekkja ásamt mismunandi aðferðum við tannréttingar
Nemandi skal hafa öðlast leikni í að:
útskýra þátt slímhimnusjúkdóma á munnhol
miðla þekkingu um orsök og afleiðingu tannrótarbólgu
útskýra mun á rótfylltri tönn og heilli tönn
útskýra þátt tannsýklu í sjúkdómum í tannvegi ásamt því að útskýra mismunandi aðgerðir til að hindra framgang tannvegssjúkdóma
greina mun á milli fastra og lausra tanngerva
beita mismunandi aðferðum við umhirðu fastra og lausra tanngerva ásamt leikni í að miðla upplýsingum til skjólstæðinga um umhirðu
útskýra hvernig hægt er að fyrirbyggja kjálkaliðsvandamál og bitvandamál með tannréttingum
aðstoða við munn- og kjálkaskurðaðgerðir
Nemandi skal geta hagnýtt þá almennu þekkingu og leikni sem hann hefur aflað sér til að:
upplýsa aðra um orsakir og afleiðingar tannrótarbólgu og tannvegssjúkdóma
upplýsa aðra um mismunandi tanngervi og geta nýtt sér þekkingu um tanngervi í raunhæfu umhverfi
geta lagt gagnrýnið mat á hvað er vænlegt til árangurs til bættrar tannheilsu og meðhöndlun tanngerva
geta leiðbeint öðrum til nánari skoðunar á tannskekkjum
upplýsa aðra um fyrstu hjálp vegna tannáverka
Símat, einstaklingsverkefni, hópverkefni, hlutapróf og lokapróf