Fjallað er um valdar kenningar kennslufræðinnar, fjölgreindarkenning Gardner‘s er kynnt og farið er yfir hvernig hægt er að miðla þekkingu í samræmi við hana. Farið er í undirbúning kennslu og fjallað um helstu þætti sem hafa áhrif á nám. Fjallað er um gerð kennsluáætlana, markmiðasetningu og algengar kennsluaðferðir. Gerð er grein fyrir mismunandi aðferðum sem einstaklingar tileinka sér við nám. Kynnt eru algeng kennslutæki og kennslugögn. Fjallað er um algengar námsmatsaðferðir.
Nemandi skal hafa öðlast þekkingu og skilning á:
mikilvægi mismunandi aðferða bæði við nám og kennslu
helstu hugtökum og völdum kenningum kennslufræðinnar
kennsluáætlunum
hvetjandi námsumhverfi
kennslutækjum og gögnum
helstu aðferðum við námsmat.
Nemandi skal hafa öðlast leikni í að:
miðla upplýsingum og aðferðum á faglegan hátt
gera kennsluáætlun við hæfi
velja milli ólíkra aðferða við miðlun upplýsinga
taka tillit til mismunandi aðferða einstaklinga við að nema
finna leiðir til þess að skapa hvetjandi námsumhverfi
nota algeng hjálpargögn við miðlun upplýsinga þ.m.t. netið
nota fjölbreytt námsmat, sem samrýmist kennsluáætlun.
Nemandi skal geta hagnýtt þá almennu þekkingu og leikni sem hann hefur aflað sér til að:
leiðbeina skjólstæðingum, samstarfsfólki og nemendum í heilbrigðisgreinum á faglegan og skapandi hátt
setja fram kennsluáætlanir sem byggja á ákveðnum kenningum og hugtökum kennslufræðinnar.