Í áfanganum er fjallað um hlutverk tanna, uppbyggingu tanna, heiti tanna og flata, myndun tanna og tanntöku. Fjallað er um orsök og afleiðingu sjúkdóma í munni, tannsýklu, bakteríur, sýnatöku, sýrustig, tannstein, tannátu og áhrifaþætti. Gerð er grein fyrir úrkölkun, uppbyggingu tannholds, tannvegssjúkdómum, forvörnum gegn tannvegssjúkdómum, meðferðarúrræðum, aðgerðum og eftirliti. Fjallað er um mikilvægi munnvatns, orsakir munnvatnsskorts, hjálparefni gegn munnvatnsskorti, glerungseyðingu, mataræði og tannheilsu, flúor, munnhirðu, hjálpartæki til munnhirðu, efni til munnhirðu ásamt áhrifum veikinda og öldrunar á munnhol.
HBFR1HH05, NÆRI1NN05, NÁTT1EE05, áfanginn er tekinn samhliða SKRÁ2TT05
Nemandi skal hafa öðlast þekkingu og skilning á:
uppbyggingu tanna og vefja í munni
myndun tanna og vefja í munni ásamt hlutverkum þeirra
orsökum og afleiðingum tannátu
orsökum og afleiðingum tannvegssjúkdóma
orsökum og afleiðingum glerungseyðingar
munnvatni og skorti á því
forvörnum vegna tannátu, tannvegssjúkdóma og glerungseyðingar
flúor
áhrifum veikinda og öldrunar á munnhol
Nemandi skal hafa öðlast leikni í að:
miðla þekkingu um tennur og vefi í munni
útskýra hvernig tannáta verður til og hvað þættir hafa áhrif á tannátutíðni
útskýra hvernig tannvegssjúkdómar verða til og áhrifaþætti
útskýra hvernig forvarnir gegn tannsjúkdómum geta komið að notum
útskýra virkni munnvatns á tannheilsu
geta rakið orsakir glerungseyðingar og forvarnir
geta tengt mataræði og tannheilsu
nota hjálpartæki og efni til munnhirðu
Nemandi skal geta hagnýtt þá almennu þekkingu og leikni sem hann hefur aflað sér til að:
upplýsa aðra um orsakir og afleiðingar sjúkdóma í munnholi
geta greint á milli forvarnaaðgerða og lagt gagnrýnið mat á hver er vænleg til árangurs við að bæta tannheilsu
leiðbeina um notkun hjálpartækja og efna til munnhirðu
geta nýtt sér þekkingu á tannheilsu í raunhæfu umhverfi
Lotupróf, hópverkefni, kennaraeinkunn, einstaklingsverkefni og lokapróf.