Í áfanganum er fjallað um eðli og gerð hinna ýmsu lyfjaforma. Farið er í helstu atriði í sambandi við notkun og meðhöndlun mismunandi lyfjaforma. Fjallað er um lyfjaform til inntöku, í lungu, í eyru, augu og nef. Einnig lyfjaform í endaþarm, á húð, í leggöng, í lungu og til innstungu. Fjallað er um geymsluþol lyfja, fyrningu, merkingar og pakkningar.
Nemandi skal hafa öðlast þekkingu og skilning á:
mismunandi lyfjaformum, gerð þeirra og notkun
hvaða áhrif geymsla hefur á lyf og fyrningartíma þeirra
hvernig merkja á lyf
mismunandi umbúðum og pakkningum sem notaðar eru fyrir lyf
Nemandi skal hafa öðlast leikni í að:
vinna með lyf og vita hvernig á að gefa þau
taka lyf tímanlega af lager svo ekki sér hætta á að þau fyrnist hjá sjúklingum
velja réttan geymslustað fyrir lyf
Nemandi skal geta hagnýtt þá almennu þekkingu og leikni sem hann hefur aflað sér til að:
leiðbeina sjúklingum um notkun á mismunandi lyfjaformum
gera sér grein fyrir eðli mismunandi lyfjaforma og hvers vegna þau hafa orðið fyrir valinu við þróun lyfsins