starfs- og vinnustaðakynning nýsköpunar- og listabrautar
Samþykkt af skóla
2
7
Í þessum áfanga eru nemendur á skipulagðan hátt látnir kynnast starfsumhverfi og atvinnulífi skapandi greina s.s. hönnun, margmiðlun, kvikmyndagerð, sjónvarpi, fjölmiðlum og menningastofnunum, ásamt iðngreinum, ferða- og þjónustugreinum þar sem nýsköpun og hönnun á sér stað. Markmiðið er nemendur geti gert sér grein fyrir starfsumhverfi þessara greina og möguleikum til starfa og framhaldsnáms á þessu sviði að loknu námi á brautinni. Miðað er við að nemendur séu í séu í tvær til fjórar vikur í almennu starfsnámi. Áfanginn er einnig hugsaður sem kynning á aðilum atvinnulífsins og jafnframt leið fyrir áhugasama nemendur til frekari tengsla.
Nemandi skal hafa öðlast þekkingu og skilning á:
margvíslegum möguleikum í starfsumhverfinu
starfsemi þess fyrirtækis sem nemandinn valdi sér
þeim starfsvettvangi sem hann valdi sér og möguleikum í starfsgreininni
mikilvægi nýsköpunar, hugmyndafræði og hugsunarháttar frumkvöðulsins í starfsumhverfinu og samfélaginu
Nemandi skal hafa öðlast leikni í að:
sinna því hlutverki sem hann valdi sér
halda utan um verkþætti starfsþjálfunarinnar
halda tímaáætlanir
eiga samskipti við fólk
Nemandi skal geta hagnýtt þá almennu þekkingu og leikni sem hann hefur aflað sér til að:
skilja umfang þeirrar greinar sem hann hefur valið í starfsnámi
halda utanum og þekkja það hlutverk sem hann gegnir í starfi sínu
miðla upplýsingum til þeirra sem á þurfa að halda
átta sig á möguleikum til nýsköpunar
Námsmat er útfært í kennsluáætlun í samræmi við skólanámskrá