Í áfanganum eru kynntar ýmsar lyfjaskrár og handbækur sem tengjast lyfjamálum s.s. Ph. Eur., Ph. Nord., Merc, Martindale og DLS. Kynntar eru gæðahandbækur lyfjafyrirtækja og gæðastaðlar s.s. GMP og GPP. Fjallað er um hugtakið „lyfjafræðileg umsjá“. Farið í notkun á sérlyfjaskránni og lyfjaverðskránni. Fjallað er um ATC-flokkunarkerfið og helstu starfsemi apóteka og sjúkrahúsapóteka.
Nemandi skal hafa öðlast þekkingu og skilning á:
lyfjanöfnum og ATC-flokkunarkerfinu
lyfjahandbókum og gæðahandbókum
lyfjaverðskrá og verðlagningu lyfja
gæðastöðlum s.s. GMP
lyfjafræðilegri umsjá og þjónustu apóteka við sjúklinga
stafsemi apóteka og sjúkrahúsapóteka
eftirritunarskyldum lyfjum og reglum sem gilda um þau
Nemandi skal hafa öðlast leikni í að:
leita upplýsinga um lyf og það sem þeim viðvíkur
finna samheitalyf og skyld lyf út frá ATC-flokkunarkerfinu
reikna út verð lyfja og vinna með lyfjaverðskrá
vinna eftir gæðastöðlum sem gilda í lyfjafyrirtækjum
starfa samkvæmt lyfjafræðilegri umsjá
Nemandi skal geta hagnýtt þá almennu þekkingu og leikni sem hann hefur aflað sér til að:
nota handbækur og uppflettirit sem tengjast lyfjafræði á hagnýtan hátt
afla upplýsinga um lyf með notkun á sérlyfjaskrá
gera sér grein fyrir sérstöðu apóteka og sjúkrahúsapóteka og mikilvægi þjónustu þeirra við sjúklinga