Farið er yfir öll lausasölulyf í sérlyfjaskránni og nokkur óskráð lyf. Farið er í helstu flokka lyfjanna og nöfn þeirra. Fjallað er um ábendingar lyfjanna, hvernig þau verka, helstu auka- og milliverkanir, frábendingar og skammtastærðir. Farið er yfir þau lyf sem einungis má selja í takmörkuðu magni í lausasölu. Sérstök áhersla er lögð á að kenna nemendum að veita faglegar upplýsingar og ráðgjöf um lausasölulyf í apótekum.
Nemandi skal hafa öðlast þekkingu og skilning á:
helstu flokkum lausasölulyfja, nöfnum lyfjanna bæði sérheitum og samheitum
áhrifum lyfjanna, notkun þeirra og skammtastærðum, auk helstu milliverkunum og aukaverkunum
hámarki sem selja má án lyfseðils og ástæðum fyrir takmarki á sölu
hvaða lausasölulyf þungaðar konur, konur með börn á brjósti, aldraðir og börn mega ekki nota
helstu kvillum sem viðskiptavin vantar ráðgjöf við í apótekum
áhættu sem fylgir því að nota lausasölyf ekki á réttan hátt
Nemandi skal hafa öðlast leikni í að:
afgreiða mismunandi tegundir lyfja sem seld eru í lausasölu
selja ekki meira en sem nemur því magni sem heimilt er að selja án lyfseðils
vara ákveðna sjúklingahópa við notkun ákveðinna lyfja
finna upplýsingar um lausasölulyf á netinu
leysa verkefni þar sem tekin eru fyrir dæmi úr daglegu starfi lyfjatæknis
Nemandi skal geta hagnýtt þá almennu þekkingu og leikni sem hann hefur aflað sér til að:
veita upplýsingar og ráðgjöf um lausasölulyf í apótekum
meta í hvaða tilfellum á að vísa fólki áfram til læknis
gera sér grein fyrir ábyrgð lyfjatækna við að sporna gegn óhóflegri notkun lyfja
meta hvaða kvillum ætti að vísa áfram til læknis til nánari skoðunar