Í áfanganum vinnur nemandi sjálfstætt verkefni sem hann velur sjálfur í samráði við kennara. Verkefnið, sem spannar heila önn, tengist lyfjatækni og tengir saman ólík fög lyfjatæknabrautar. Nemandi aflar heimilda og upplýsinga eða gerir könnun sem tengist viðfangsefninu og skilar lokaritgerð.
Lokaritgerðin er skrifuð á síðustu önn lyfjatækninámsins.
Nemandi skal hafa öðlast þekkingu og skilning á:
því efni sem hann fjallar um í sjálfstæðu verkefni sínu
uppbyggingu og aðferðum við vinnu á ritgerð eða verkefni.
vísan í heimildir og frágang heimilda
Nemandi skal hafa öðlast leikni í að:
vinna sjálfstætt við öflun og úrvinnslu upplýsinga er tengjast lyfjatækni
greina heimildir og vinna með mismunandi tegundir heimilda
tengja saman efni mismunandi áfanga úr lyfjatæknináminu
skrifa skiljanlegan og lipran texta þar sem faglegum meginatriðum eru gerð góð skil
gera heimildaskrá og vísa í texta
setja upp texta ásamt myndum, töflum eða skýringum
Nemandi skal geta hagnýtt þá almennu þekkingu og leikni sem hann hefur aflað sér til að:
sýna frumkvæði við að vinna sjálfstætt að verkefni
greina aðalatriði úr heimildum og skrifa um þau
útskýra umfjöllunarefni á skiljanlegan og skipulegan hátt
Ritgerðin er metin út frá frágangi, innihaldi, uppbyggingu, efnistökum, málfari og heimildum.