Í áfanganum er fjallað um helstu fæðubótarefni og heilsuvörur á markaðinum. Farið er í óhefðbundna notkun vítamína, steinefna og sindurvara. Fjallað er um íþróttir og notkun fæðubótarefna í íþróttum ásamt orkudrykkjum. Stuttlega er fjallað um notkun blómadropa og ilmolía. Smáskammtalækningar eru kynntar og farið í markfæði.
NÆRI1NN05
Nemandi skal hafa öðlast þekkingu og skilning á:
helstu fæðubótarefnum og heilsuvörum sem eru á markaðnum
verkun fæðubótarefna og heilsuvara, hugsanlegri verkun, meintri verkun, aukaverkunum, milliverkunum og skaðlegum verkunum þeirra
reglugerð um fæðubótarefni og skyldumerkingum á umbúðum ásamt fullyrðingum
vítamínum og steinefnum sem bætiefnum og mögulegra milliverkana milli þeirra
helstu heimasíðum stofnana og ritrýndra vísindagreina þar sem finna má viðurkenndar upplýsingar og heimildir um fæðubótarefni og heilsuvörur og innihaldsefni þeirra
notkun fæðubótarefna tengdum íþróttaiðkun ásamt innihaldsefnum orkudrykkja
notkun blómadropa, smáskammtalækninga og ilmolía
mögulegum virkum áhrifum fæðu eins og markfæðis
auglýsingaskrumi, töfralausnum, fúski og blekkingum í tengslum við fæðubótarefni
Nemandi skal hafa öðlast leikni í að:
lesa merkingar á umbúðum fæðubótarefna
leita að marktækum upplýsingum um fæðubótarefni og heilsuvörur og innihaldsefni þeirra á netinu
greina á milli auglýsingaskrums og marktækra upplýsinga um fæðubótarefni og heilsuvörur
vita hvernig þekkja má muninn á fagfólki og fúskurum sem hafa með fæðubótarefni að gera
afla sér frekar fræðilegra upplýsinga um efnin með viðurkenndum heimildum og leggja þar með faglegt mat á nýjar vörur sem á markaðinn koma
Nemandi skal geta hagnýtt þá almennu þekkingu og leikni sem hann hefur aflað sér til að:
veita viðskiptavinum faglega ráðgjöf og upplýsingar um fæðubótarefni og heilsuvörur
meta það fræðsluefni sem fylgir fæðubótarefnum og heilsuvörum
meta hvort merkingar séu í lagi og hvort fullyrðingar á umbúðum, í kynningarbæklingum eða hillumerkingum séu leyfilegar