Í áfanganum er farið í frásog, dreifingu, umbrot og útskilnað lyfja. Skilgreind eru ýmis hugtök sem tengjast lyfjahvörfum. Farið er almennt í verkunarmáta lyfja, skömmtun lyfja, meðferðarfylgni, aukaverkanir og milliverkanir. Fjallað er um sérstöðu í sambandi við lyfjanotkun aldraðra, barna, kvenna á meðgöngu og við brjóstagjöf. Farið er í lyfjanotkun íþróttamanna og hvað ber að varast í sambandi við áfengisneyslu eða akstur og lyfjanotkun.
Nemandi skal hafa öðlast þekkingu og skilning á:
hvað verður um lyfið í líkamanum, allt frá inntöku þess til útskilnaðar
hugtökum sem notuð eru varðandi frásog, dreifingu, umbrot og útskilnað lyfja
algengum frásogsstöðum og þáttum sem hafa áhrif á frásog lyfja
þáttum sem hafa áhrif á dreifingu lyfja
þáttum sem hafa áhrif á umbreytingarhraða og útskilnað lyfja
helstu verkunarmátum lyfja
aðferðum sem eru notaðar til að skammta lyf
helstu milliverkunum lyfja og af hverju þær koma fram
hugtakinu meðferðarfylgni
lyfjum sem hafa áhrif á aksturshæfni
Nemandi skal hafa öðlast leikni í að:
nýta sér upplýsingar um lyf sem koma fram í sérlyfjaskrá á netinu
reikna einföld dæmi um útskilnað lyfja með hjálp helmingunartíma
teikna upp blóðþéttnikúrfur og útskýra þær með tilliti til frásogs og útskilnaðar lyfja
flokka aukaverkanir lyfja
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir og útskýra hvaða sérstöðu sérstakir sjúklingahópar hafa í sambandi við lyfjameðferð
gera sér grein fyrir þeim breytum sem koma við sögu í skömmtun lyfja