Í þessum áfanga er nemendum gefin innsýn í fræðilegan grundvöll lyfjaframleiðslu.Tækjum er lýst á einfaldan hátt og farið í framleiðslu helstu lyfjaforma.
Nemendur fá æfingu í að reikna út ýmsa þætti við lyfjagerð eins og isotoni, fráruðningsstuðul, eðlisþyngd og styrkleika lyfjasamsetninga.
Æskilegur undanfari: Algebra
Nemandi skal hafa öðlast þekkingu og skilning á:
helstu hráefnum sem notuð eru í lyfjaframleiðslu
framleiðslu helstu lyfjaforma
helstu prófum sem gerð eru á lyfjum á framleiðsluferli þeirra
gæðakerfum, GMP-reglum og ISO-stöðlum
helstu kröfum sem lyfjahráefni og hjálparefni þurfa að uppfylla í lyfjaskrám
ekstraktsionsaðferðum og hjálparsamsetningum
dreifum og fleytum og hjálparefnum sem notuð eru í framleiðslu þeirra
framleiðslu duftblöndu þannig að tryggja megi nægilega einsleitni lokaafurðar
Nemandi skal hafa öðlast leikni í að:
meðhöndla efni, vogir og einföld mælitæki
reikna út íblöndun lyfja í innrennslislyf (ísótónískir reikningar)
fylla út framleiðsluseðla og skrár
reikna út þynningar lausna út frá massaprósentu og eðlismassa
finna út forskriftir stíla út frá fráruðningsstuðli
Nemandi skal geta hagnýtt þá almennu þekkingu og leikni sem hann hefur aflað sér til að:
rýna niðurstöður og fara yfir framleiðsluseðla
gera sér grein fyrir fræðilegum grundvelli lyfjaframleiðslu og reglum sem gilda um hana.