Í áfanganum er farið í ýmsar vörur og hjálpartæki sem sjúklingar sækja til apóteka, einkum sykursýkissjúklingar. Farið er í þvagstrimla og ýmis próf sem hægt er að kaupa og mælingar sem hægt er að láta gera í apótekum. Farið er í greiðsluþátttöku SÍ á ýmsum vörum. Að lokum er fjallað um skipskistur.
Nemandi skal hafa öðlast þekkingu og skilning á:
vörum sem sykursýkissjúklingar o.fl. sjúklingahópar sækja til apóteka
þvagstrimlum sem skima fyrir ýmsum sjúkdómum
uppbyggingu þvagstrimla og töku þvagprufa
blóðsykursmælum og -strimlum
insúlínpennum og nálum
ýmsum prófum sem sjúklingar geta keypt í apótekum
mælingum sem sjúklingar geta látið framkvæma í apótekum
greiðsluþátttöku Sjúkratrygginga Íslands í prófefnum, mælitækjum o.fl.
reglugerð um skipskistur
Nemandi skal hafa öðlast leikni í að:
lesa af þvagprufum
mæla blóðsykur með blóðsykursmælum
leiðbeina sjúklingum í sambandi við val á þvagstrimlum
handleika insúlínpenna og nálar
framkvæma ýmiss próf sem standa sjúklingum til boða í apótekum
reikna út hlut sjúklings í kaupum á ýmsum prófefnum, mælitækjum o.fl.
Nemandi skal geta hagnýtt þá almennu þekkingu og leikni sem hann hefur aflað sér til að:
miðla upplýsingum til sjúklingahópa sem leita aðstoðar í apótekum varðandi ýmis mælitæki og mælingar
fylla á skipskistur
Verkefni, hlutapróf og lokapróf. Tekið er sérstakt lokapróf í skipskistum