Í áfanganum er farið í lyfjaskrár, ATC-flokkun lyfja, frásogsstaði lyfja, ýmsar skilgreiningar sem tengjast lyfjum, mismunandi lyfjaform og hlutverk þeirra. Farið er í umbúðir lyfja, geymslu þeirra og skömmtun. Að lokum er farið í lyf sem notuð eru á tannlæknastofum, s.s. verkjalyf, sýklalyf, róandi lyf, staðdeyfilyf, munnskol og sótthreinisiefni.
NÁTT1EE05 (NÁT123) + almennar greinar
Nemandi skal hafa öðlast þekkingu og skilning á:
uppbyggingu sérlyfjaskrár og lyfjaverðskrár
ATC-flokkunarkerfi lyfja
ýmsum algengum skilgreiningum sem tengjast lyfjum
frásogi og frásogsstöðum lyfja
lyfjaformum og hlutverkum þeirra
helstu lyfjum sem notuð eru á tannlæknastofum
Nemandi skal hafa öðlast leikni í að:
leita eftir upplýsingum um lyf í sérlyfjaskrá og lyfjaverðskrá á netinu
flokka sérlyf eftir ATC-flokkunarkerfinu
reikna út helmingunartíma lyfja
teikna upp blóðþéttnikúrfur fyrir lyf á mismunandi lyfjaformum
Nemandi skal geta hagnýtt þá almennu þekkingu og leikni sem hann hefur aflað sér til að:
sýna skilning á lyfjanotkun á tannlæknastofum
leysa af hendi ýmis störf tengd lyfjum sem honum verða falin á tannlæknastofum