starfs- og vinnustaðakynning nýsköpunar- og listabrautar
Samþykkt af skóla
2
3
Í áfanganum fara nemendur í heimsóknir í fyrirtæki sem tengjast starfssviði náms þeirra og er markmiðið að þeir geri sér grein fyrir starfsumhverfinu og möguleikum til starfa og framhaldsnáms. Áfanginn er einnig kynning á aðilum atvinnulífsins og réttindum og skyldum á vinnumarkaði. Vinna nemenda er fólgin í vettvangsheimsóknum, viðtölum og upplýsingaleit á netinu, ritun skýrslna og greinargerða, gerð starfsumsókna og ferilsskrár.
Nemandi skal hafa öðlast þekkingu og skilning á:
mikilvægi frumkvöðulsins í skapandi greinum
fjölbreytilegu starfsumhverfi og margvíslegum möguleikum innan skapandi greina
aðilum sem koma að atvinnulífinu, s.s. fag- og hagsmunafélögum
réttindum og skyldum fólks á vinnumarkaði
Nemandi skal hafa öðlast leikni í að:
greina á milli skapandi greina
meta umfang verkefna
átta sig á starfsmöguleikum innan skapandi greina
yfirfæra þekkingu sína á milli starfsþátta
Nemandi skal geta hagnýtt þá almennu þekkingu og leikni sem hann hefur aflað sér til að:
beita aðferðafræði og vinnuaðferðum nýsköpunar í nálgun á starfsvettvangi
skilja forsendur starfa í skapandi greinum
átta sig á nýjum möguleikum innan skapandi greina
Námsmat er útfært í kennsluáætlun í samræmi við skólanámskrá