Kennt er nákvæmt form af nuddstrokum sem mynda sogæðanudd. Rætt er um meðferðarforsendur sogæðanudds og hvenær það kemur helst að gagni. Staðsetning og starfsemi eitla eru rifjuð upp. Nemendur fá kynningu á því hvernig hægt er að beita ilmolíumeðferð samhliða sogæðanuddi til að auka áhrifamátt nuddsins.
LÍOL2IL05
Nemandi skal hafa öðlast þekkingu og skilning á:
líkamlegum einkennum sem líklegt er að sogæðanudd gagnist við
byggingu og starfsemi vessakerfis
ilmolíum sem geta haft bætandi áhrif á virkni sogæðakerfis
meðferðarforsendum sogæðanudds
frábendingum sogæðanudds
Nemandi skal hafa öðlast leikni í að:
framkvæma sogæðanudd
beita handklæðum og lökum á viðeigandi hátt í sogæðanuddi
búa til kjarnaolíublöndur sem styrkja starfsemi sogæðakerfis
Nemandi skal geta hagnýtt þá almennu þekkingu og leikni sem hann hefur aflað sér til að:
vinna með sogæðabólgur og bjúg á heildrænan hátt
miðla góðum ráðum til nuddþega um það sem styrkt getur sogæðakerfið
útskýra fyrir öðrum gildi sogæðanudds
fylgjast með rannsóknum varðandi virkni sogæðanudds