Fjallað um sögu nudds, þróun og baráttu nuddara fyrir viðurkenningu á starfsgrein sinni. Kannaðar eru nýlegar rannsóknir á verkan nudds til græðingar og rædd aðferðafræðileg vandamál varðandi mælingar á virkni græðingar. Skoðuð eru tengsl streitu og sjúkdóma, t.d. hjartasjúkdóma, auk samspils öndunar og streitu. Rætt er um starfskenningar græðara og gildi þess að starfandi meðferðaraðilar móti sér starfskenningu og þekki hana. Kynntar eru nokkrar græðingaraðferðir og þær meðferðarforsendur sem þær byggja á. Kennd er stutt nuddmeðferð, án olíu, sem hentar t.d. á vinnustöðum.
Bóklegu námi lokið
Nemandi skal hafa öðlast þekkingu og skilning á:
sögu og þróun nuddmeðferða og sess þeirra innan mismunandi menningarsamfélaga
hvernig reynsluvísindi annars vegar og vísindalegar sannprófanir hins vegar móta hugmyndir manna um nudd
mögulegum og sannanlegum áhrifum nudds á heilbrigði fólks
þeim forsendum sem nuddmeðferð og græðing byggir á og tengslum orku og efnis í því samspili
snertiflötum nudds við aðrar græðingaraðferðir og heilbrigðisgreinar
lagaumhverfi græðara og þeim forsendum sem það byggir á
mögulegum starfsvettvangi heilsunuddara
mögulegum tilfinningalegum yfirfærslum sem geta komið upp í samskiptum við skjólstæðinga
hugtökunum heilsuefling og valdefling
starfskenningum
Nemandi skal hafa öðlast leikni í að:
nota stutt form af nuddi þar sem skjólstæðingur er í fötum
beita líkama sínum á háhrifaríkan hátt við nuddmeðferð
nota rugg til að tengja sig við nuddþega og gefa slökunarmeðferð byggða á ruggi
Nemandi skal geta hagnýtt þá almennu þekkingu og leikni sem hann hefur aflað sér til að:
gefa nuddvinnu sinni mismunandi ásetning
útskýra og rökstyðja starfskenningu sína
valdefla skólstæðinga sína
útskýra og miðla gagnsemi þess að fara í nuddmeðferð og möguleg jákvæð áhrif þess
útskýra meðferðarforsendur einnar annarrar græðingaraðferðar og tengja við nuddmeðferð
útskýra og rökræða þá siðferðilegu breytni sem starf heilsunuddara þarf að grundvallast á